襟花/手花 DIY

早前出過一編綱誌教大家DIY花球，之後有blog友問幾時會教埋襟花/手花同手花，但係由於公司又多嘢做，上半年同之前又答應接咗好幾單的婚禮花品job，再加理痴咗線愛上整了經閃的珠花，結果到現在才有時寫這編blog。

今次這個示範的作品係為早前買咗我那個粉紅玫瑰花(珍珠版)花球的新娘子而設計的其中一個版，如果唔係佢同我訂佢婚禮用的花品，我都可能唔會可以影返成個個程同大家分享，因為整珠花實在太花我時間。

材料 :

(1) 花材 - 紫白小牡丹 : 花１朶及蕾3朶 ; 白色碎花 1小束朶；葉上花適量

(2) 其它材料 - 0.5cm紫色絲帶約1.5m ；2cm紫色紗絲帶約1.5m；24號光身鐵線3支；雙  
       面膠紙及綠色花貼適量；1cm仿珍珠1粒及18號光身鐵線2支(手花用)

(3) 工具 - 剪鉗，膠水

工序:
(1) 先將每一朶及葉穿上24號光身鐵線，長度約 6cm，再上花貼；

(2) 將所有以上鐵線的花材組成小花束一個，留意做手花可以圓一點，但係做襟花就要係小三
      角形；
(3) 將約1.5m長的紫色紗絲帶做成蝴蝶結1個，然後將蝴蝶結與小花束掽在一起即可；

襟花到這個部份已完成，但要做手花就要做埋下面啲工序啦。
(4) 將2支20號光身鐵線用花貼與已完成小花束接在一起；

(5) 在花束底部開始用紫色絲帶將鐵線部份全部包上，最後結尾用1cm仿珍珠作修飾之用；
(4) 完成後將已上絲帶鐵絲部份拗成圓形，然後在底部在用膠水貼1到2片葉片以修飾鐵絲位置
      後即可 。

整襟/手花小貼士

(1) 要花形靚必須要上鐵線，因為點拗都得；

(2) 上鐵線時同理要紮得夠實，如果唔係花好容易掉落；

(3) 蝴蝶結用闊絲帶唔好做咁多層次，唔係就絲帶大過花，可以改用約 0.5 cm 幼絲帶，幼絲

      帶要做多層式，重有留意顏色唔鮮過啲花。

(4) 手花底部我會假修飾，但係唔做都得，這個是我個人習慣要完美啲。

 希望大家都可以學識自已整靚靚嘅襟花同手花啦。