米 、寶醫院遊記(下)

米米 ﹋6月第二個星期一﹌

我哋今日又出門嗱，因為再日約咗Dr. Maggie洗鼻，同埋打防疫針，由於老大喲假期用晒喺佢最大興趣方面 (即係我哋都非常鐘意嘅花花草草)，所以佢一早就叫阿姨安排返下午更份，以便送我哋去醫院。原來今朝早阿姨除咗送我哋去醫院外，重有好多嘢要做，所以佢决定十點就要送我哋去到醫院，佢打開個籠我就自己行咗入去，

但喺嗰隻儍寶就唔係好合作，死都唔肯入佢個籠，一個唔覺意就送咗一條血痕比阿姨做記念品(成2吋長，哈哈!!!! 哈哈!!!!)。好彩係阿姨，話佢兩句就算數，如果係老大，佢一定打佢Pat Pat。

我最憎“打的”，點解唔係肥仔楂車，我决定發揮出我把靚聲，唱隻“抗議進行曲”比阿姨聽表示不滿，阿姨為有打開門同掃下我個頭，於是我都未有唱完隻進行曲。儍寶隻嘢扮晒嗲，擺明想阿姨理吓佢，好快我哋就到咗醫院，我隻歌亦唱完。我地一入到醫院，姑娘好快就接左儍寶入去，我就無人理等左一陣，阿姨同我講 ”今晚你老大同肥仔會嚟接你地” 我走嗱! Bye bye” 咁就走左! “ 咁都得!!!!!唔公平呀! 於是乎我發揮我嘅魅力冧死班姑娘><…..

唔知幾時! 我醒咗就唔知之前做咗d咩嘢，但係我個nose 就暢通無阻嗱! 但係見到個儍寶十下十下好似食咗懵仔丸咁!!!!!行到腳步浮浮!! 過咗無幾耐，肥仔同老大就嚟接我地，醫生Dr. Maggie話我地d分泌會攞去驗遲d會有report 比老大就知係咩嘢料，但係呢個時候我地兩個都要食住藥先，就係咁老大就唔見咗好多隻牛牛! 跟著我哋就搭的士返屋企係路上我哋兩個都無出聲好乖，可能d藥力未過啦!

番到屋企真開心，肥仔仲即刻開飯比我哋兩個食…..very happy 好肚餓呀!!!!

點知嗰隻 “白比比”同 “肥仔迪”(阿姨的貓貓) 吃醋 唔肯食飯，佢地以為老大帶我哋兩個去街 唔同佢地去，作出無聲抗議，攪到肥仔氹咗佢地兩個好耐，佢哋兩個先肯食番嘢，真係頂佢兩隻嘢唔順.><

鴨脷洲遊車河

今日我個老大同肥仔突然間話要我同"寶寶" 去遊車河, 佢地兩個人夾手夾腳捉咗我入籠 "傻寶" 就入袋 咁我哋就出發嗱.. 跟住我就再唱起我首主題曲 "喵" ~ 喵喵喵喵~" 係升降機裡面 有人見到我哋兩個都話我哋兩個得意 ,我都唔知幾開心~~~~哈哈哈.............跟住我哋一家四口繼續就出發嗱^.^ ! 嗰 "傻寶" 一路都無出聲 但係我就唔執輸 一路係咁"喵" .

煩到 "肥仔" 暈先!! 哈哈哈哈!!!

一上到架車我哋兩個就週圍"search"

外面有d咩嘢先!!

@@ 跟住去到鴨脷洲海邊見到有人係度釣魚唔知d魚會唔會好好味啦??? ^ ^ 又見到有人係度放狗仔! d狗仔就好啦可以四週圍走, 我哋兩隻嘢只可以係架車裡面 真係唔公平.

跟住我同 "傻寶"仲霸咗 肥仔 堂呔 學吓揸車先 see my photos!!

逗留咗一陣間 影咗d 相 我哋就走, 返到屋企樓下 仲係船塢走多個圈至走 不過就嚇親我嗱! 見到四隻大狗狗 我驚佢哋食咗我 我縮都縮唔切.. 好彩 無比佢哋見到唧......吓

好快趣就返到home 嗱 我哋兩個嘅遊車河咁就完咗, 有d失落下次再去啦....!!!

米米 字 6月17日

日記未完，作為相中貓，我唔可以比你隻冇儀態嘅米米叫我做儍寶，正確來講，我係一隻有儀態嘅猫，各位參觀者請注意。
有冇見過我呢個樣靚仔呀^_^ 寶字
大頭玉照

全身靚相 ^-^ 喵

米 、寶醫院遊記(上)

寶寶 ﹋五月最後的一天﹌

我地兩個好耐無出個街嗱！不過最近到期打防疫針所以又要出門，老大原本同我哋約咗Dr. Maggie 6月第一個星期六，因為"肥仔"揸車可以唔駛“打的”。

「米米」佢最憎“打的”一上車佢就會 “喵” 到落車為止，原因係佢一“打的”老大就唔會放佢出嚟睇風景，但喺如果 “肥仔” 揸車就唔同啦，佢相點走都得。但最不幸嘅事就發生咗，呢件事喺我哋兩個都做咗“乞嚏大魔王”【阿姨給我地改嘅專稱】，成間屋佈滿我哋嘅『輝煌戰績』，老大喺沒辨法情况下為有提早同我哋睇醫生 (係因為係阿姨成日係度依依哦哦我個老大)，幾經安排先至早到兩日即喺星期四重要係6:00pm，於是老大唯有叫肥仔去接我哋，佢就直接去醫生陪我哋睇醫生。車程途中肥仔冇放「米米」出嚟，但喺佢都冇鬼殺咁嘈，可能佢啲病菌勁過我，我就唔同啦，隻死 “肥仔” 成日問老大同阿姨有冇聽過我叫，佢以為我喺啞，佢哋話唔喺，佢又唔信，於是今日我决定叫兩聲過佢聽，費事佢再煩死貓，隻傻佬聽完後，一見老大就話比佢聽我識叫，真喺服咗佢。 { > < }………….

Dr. Maggie話好唔開心又見我哋，因為早前我哋喺常客，經過檢查Dr. Maggie開咗10日葯同鹽水比我哋滴鼻，肥仔重同Dr. Maggie話我甩好多毛﹋我只不過喺脫得多少少之嗎！﹋，Dr. Maggie就加開一支三文魚油啦，就喺咁老大唔見咗好多絛紅衫魚啦。

回程時，米米一副死樣，又唔叫又唔理，老大叫佢都冇乜反應，於是乎老大就冇放佢出籠，反而放咗我出嚟，我係後座望下風景，扒下肥仔將櫈背，都冇乜嘢好玩，於是乎就坐咗喺到直至屋企車場，老大放返我入袋，重比我個頭伸出嚟，形嗎？

P.S. 我哋重要再出門，因為Dr. Maggie話我哋都要洗鼻，同埋重末打防疫針，老大話佢就嚟破產。