小牡丹花球

很久沒有做絲花球，因為真係好多嘢在製作中，上星期日終於忍受唔到我家的工作室太亂，於是開始收拾一下，清理工作完成後，發現了一批小牡丹的花材，於是就做了這個橙黃色的手紮花球。

 

 

 

鬱金香

過農曆年前有好友問我接唔接鮮花ORDER做佢話個FRIEND好鐘意我啲作品，佢想個結婚花球特別D，但花就一定要用鬱金香。鮮花中我都好鍾意鬱金香因品種多顏色又靚，不過做花球就比較易殘，設計上的限制很多。

 

新年假期比較空閒，同新娘子溝通過，佢嘅婚禮會在夏天重要戶外行禮，所以現在還在頭痛中，點可做一個又靚，又可以受熱的鬱金香花球，真係又向難度挑戰，我同新娘子做了個協定，如果我今個月尾都重未有IDEA又或者我啲設計圖佢唔合眼緣，佢就要再找花店幫佢，因為我真係想每一個我幫佢做花球的新娘子收到啲花時都開開心心。

希望我可以想到一些特別的設計啦！

蝴蝶蘭花球

近年多了很多蝴蝶蘭的切花花材，這款特式花球就用了大量滿天星為底座，再加上多朵紫紅班紋的蝴蝶蘭，配上很多的銀線連珍珠裝飾，予人精緻的感覺。

食大餐 + 逗利是

又係我呀! 林米米 一過12點 老大同肥仔就派利是比我哋3過嗱! 雙封嚟o架! 仲好重手呀! 肥仔真係闊佬, 希望佢出年做嘢開心d 搵份好工! 搵多d錢!買多d 嘢比我同寶寶and 菲菲食! 老大就越嚟越靚! 佢哋兩個快d 整件bb 就最好啦! 比d 相你哋羨慕吓啦!

菲菲收到手軟!

我米米就老實唔客氣 收好d 先!

寶寶就用尾巴綁實 駕吹走!

仲有大餐食

新年真係好 又有嘢食又有利是收 very good!!!!

寶米菲過新年

一年又到, 今年係我哋祖先嘅年(貓科類)老虎, 我哋三個好happy, 個肥仔又係我哋個toilet 門口寫揮春, 大家估吓寫咗d 咩, 睇吓下面d 相就知道 see below

係"出入平安 & 快高長大" d 爆杖花 係老大畫落去!! 又幾正噃!! 點知連我林米米去toilet d 相都show 埋出嚟, 有d 過份, 不過算啦! 新年又嚟到, 咬小您哋兩個一次咁多啦!

我米米去toilet 都斯文過其他貓嫁!
係度我代表林氏家族 同大家拜年 祝大家
"新年快樂 一年靚過一年"

"事事如意 好運一齊過"

紙婚假期

一月中肥仔生日加埋結婚一週年，我想放吓做於是我就安排咗一個去馬來西亞嘅吉隆坡同馬六甲的假期，人懶嘅關係我當然選擇咗跟團。

今次嘅行程簡值遊閒到暈，第一天去到狄臣港酒店The Legend Water Home只系三點吃個下午茶就自由活動。我哋住系一間渡假式酒店的水中高腳排屋，屋裡面重有獨立泳池(需然糸細咗D) ，不過個feel真係好正。狄臣港這個地方只有酒店同民居，我哋兩個四處走走，影吓相，當然有用吓那個房中泳池。晚餐系送到房中的日式定食，味道就一般啦，咁我兩就好relax地過了第一天。

第二天轉去馬六甲，因為我自知唔會去得幾多次馬六甲這些地方，我訂團時已選了要住The Majestic Malacca一間古典建築富豪大宅改建的酒店，間洒店的設計保留了原始的陶瓷地板同柚木家具，簡值好以返到60年代一樣。馬六甲是一個很古舊的市鎮，可惜跟團，只能走馬看花的看了這個地方，對於我這個都市人，這裡感覺上仍是一個很有懷舊味道的市鎮。

第三至四天我地終於到咗吉隆坡嘅行程住嘅係Hilton Hotel Kuala Lumpur需然係五星酒級店，但係太現代化，返而小了首兩天的驚喜感覺。像所有旅行團一樣，我們去了雙子塔觀景橋、上山頂睇夜景等等……

 

第五天我哋要返香港啦，但系上機前我哋重地咗一個衛星城市叫太子城，那裡最有時色總該是布得拉回教寺。