Bo Mike Garden: 2008

2008年11月25日星期二

我的大頭照

做也鬼影我相????????

這個post 是不是很可愛?

定系鐘意我這個靚仔Look?

2008年11月23日星期日

結婚相

事隔3個月，我終於收到羅浮宮通知可以睇相簿排版。第一輯是九龍塘影樓的相片，修飾過的相片個樣好以膠一樣，點睇都唔係好慣，相簿沒有特別的排版，只是一版一張相，但他們連次序都沒有排給我們看，於是我們就按顏色及背景排了次序要他們跟着造。

第二輯外境相，相簿upgrade咗去電腦排版，成份排版只係一張A3 size，根本看不到相片放大後的效果，個別版面都可以，但有一些版面相太多，可以想象得到張相重細個4R，好在細心看，竟然有一張相重覆咗重要在同一版之內，最後我們要求將其中兩對頁的相片減少，另加兩對頁，並且要再排版。

再看兩張油畫相，放大後效果一般，特別是外境那張，比我們預計差，問題不是相片質數，而是放大後的比例問題。

十天後我們再看排版，大致上沒有甚麼問題，但發現封面和封底竟然加了大大隻字的羅浮宮英文名和Logo，簡直過份，個負責比我哋睇相嘅職員話個封面及封底相太清需加一些字或圖案效好看，基本上我同意他的說法，但相簿是我們的記錄，不是宣傳品要加也不是他公司的英文名和Logo，所以一定要全部刪掉。整體來說羅浮宮的前期服務真系唔錯，但揀完相之後就真系一般過一般啦。

上星期六，突然收到電話通知話有喲相OK，問送貨定自取，我問幾時可以送佢話最快下24號。最近我哋每個星期六都經九龍塘，所以决定自取，如果有問題可以即退，唔使煩。星期六終於取了第一套九龍塘影樓境相，好彩沒有問題。

2008年11月19日星期三

不經不覺又半年了，今年三月份同我的朋友一齊做了一組作品在花會的維園花展擺放，作品由構思到成本預算都是由我做統籌，效果都唔錯。估唔到，事隔半年我哋呢組人又要再組隊做作品，再次我哋原班人馬6個人(冰冰、Yanny、Liza、Mabel、Sharon同我，唔係，應該係8個，因為Mabel同Sharon係準媽咪)參加花會十週年的餐桌設計比賽。重有不計兩個準媽咪在內，我哋其餘4個人重答應做一組1x 2米的座地作品做展覽品。

當然今次都係我做統籌，首先係餐桌設計比賽，我哋咁多個人嘅睇法都係志在參與，所以都冇打算設計到好復複雜。係早前花會為我們準備的聚會中，初部構思是用白木做一個主體加吊飾，但事後回家一想，又覺得太有聚會中試範餐卓及圖片的影子，同Liza討論後决定改計設，我提議將計設改為一對擺設，以綠色及白色為主調配銀色配件，選材包括有水燭葉、白蘭花、馬可百合花、白綠色鬱金香、銀色臘燭、色及綠色幼絲帶。原本計劃唔造束餐巾的花，改為小盆裁，用水燭葉包沒有蓋的方型盒，使來賓有一份小禮物。9/08/2008星期六同Yanny去咗訂花，之後同師姐講開我哋個設計，佢覺得可以用輕身喲嘅花材令整個輕為飄逸及更有線條感，最後我同Yanny覺得佢嘅意見work，即時改咗的花材list比師姐幫我哋改Order，最後選材改白蘭花為白色日本飛燕草、馬可百合花改為水芋、白綠色鬱金香唔要另加龍柳。小禮物最終都冇做，還原成束餐巾的花飾。

至於個座地作品，我計畫做上次花展嘅糸列，用鐵線造方形噴紅色再配不同品種的紅掌。8月10日星期日，我係屋企試做座地作品的架構，發現個idea唔係好work，發覺噴油嘅後個架構線條大幼，於是即時電聯Liza & Yanny，討論後决定改試用竹撻(因為屋企有竹撻存貨)，噴油後又效果都唔錯，影相e-mail 給她們，最後大家都同意設計。不過我就試版呢日係後梯噴結果就食噴潻食飽咗，對腳染成好淡好淡咗紅色。8月13日星期三，去咗買竹撻同去噴潻，終於做30件竹撻用咗5支噴潻，不過今次有備而戰，帶定口罩，手套同着黑色長褲同係平台位置先至噴。

<我們的座地展覽品>

8月16日星期六係我哋5個女子(因為Mabel要交人所以得5個) 準儅備這兩件作品唯一一次，亦後最係一次的試做日子，個餐桌作品整體係走清雅路線，原本要加龍柳，但係喲柳支實在太枯乾，噴咗銀色都唔work，所以最後决定唔加。至於同椅，我哋就好簡單咁織咗一片水燭葉片配水芋，而餐巾就喺用水燭葉做個三角形套配水芋，好快就成。但係個座地作品就玩咗好耐，雖然啲竹撻一早噴好，但係要玩層層疊，重要有美感同埋考慮喲紅掌的位置，都試咗好耐終於都完成，但同就初份草稿經已係兩回事。整完空部預備工作都8點幾，我哋4個(夜晚Yanny 唔得閒)去咗仿饍食飯

8日17日星期日，終於到咗今日，因為做座地作品要09:30前完成，今日冰冰、Yanny、Liza同我嘅集合時間是07:30。6點9就要起身重慘個返工，好在阿Ben 車我去Liza 屋企否則點止6點9起身。冰冰老公架車車花材，阿Ben架車就車Yanny、Liza同我，去到會場成8點即時開工，預計9點的攪好後先食早餐，10點就要做餐桌設計比賽嘅作品。點知做吓做吓就己經9點幾，其間Yanny成日叫冰冰影相，乜都比佢晒，死人冰冰重用走紅掌嚟整我，比佢玩死。

9點幾Mabel到咗，但係Sharon重未到，我哋成組唔可以報到餐桌設計比賽，因為唔齊人，真係有喲火，一早又唔講明齊人先準報到及進行比賽，我哋走咗去買早餐，冰冰同Mabel留等Sharon，終於我哋買完早餐返嚟Sharon都到咗，入場後我哋食完早餐先至開始。做吓做吓發覺冇水加入花樽想去冼手間取喲工作人員又話唔得唔可以離開會場，好在Yanny醒目發現廚房則門，佢就走去房取水，12點鐘全部完成，終於可以安心去食Lunch。

<我們的餐枱作品>

2008年11月10日星期一

花球作品-法式花束

藍秀球加紫玫瑰

深粉玫瑰配紫色碎花

2008年10月25日星期六

白蕙蘭花球

傳統款式的蕙蘭花球和襟花

2008年10月20日星期一

教堂行禮用的花球

這個花球用了很不同深淺的白色花朶與大量綠色的絲帶組成一個很大的瀑布型花球，非常適合長拖尾款的婚紗。

2008年8月24日星期日

綉球系列

由最簡單的一個綉球花配桔梗

主角變配角，白玫配綉球桔梗

最後這個是瀑布式花球，每個用料也相以，但不同的設計就有不同的效果。

2008年8月7日星期四

我們要影結婚相(下)

<石澳石灘>

7月21日事隔一星期，一個睛朗的星期一，我影第二輯結婚相，這輯是外景的。早前為决定外景地點我們也花了很多時間研究，我喜歡海邊，又想過去伯大尼，最終决定的地點是石澳石灘同馬灣公園，因為兩個地點出來的景色是完全不同。

09:15去到九龍塘整理造型，我嘅stylist仍然係Peggy，呢個我早知，因為佢上次做第二個造型時提我外景嗰日帶喲鮮花做頭花同手花。係整我個造型同時，Ben就係到揀佢今日嗰兩套男裝，佢走出走入嚟問我意見，最終佢選咗一黑一白的衫。

同Peggy講吓東講吓西，造型就差不多，佢話比我聽今日都係大Sam影，我話佢上次唔係話一定唔會再同我影，但係我當然開心，因為佢同我影個一輯對於我嚟講唔算陌生人，相對地我會自在啲。今日整完個造型己經成十一點幾，本來話十二點出車，結果司機遲最終成十二點半先出車。當我落到門口見到大Sam，我就問佢乜解又係你呀，佢即時同我開玩笑話攪錯咗，佢今日幫第二對新人影相，唔係同我哋，阿Ben 重問佢有冇筒，佢問點解，阿Ben 話我會激到佢嘔血。

今日我同樣帶咗兩個花球一個係白色朱頂蘭配米柳方架連水燭葉長手把，另一個系粉紅邊玫瑰配、白色百子蓮及其它白色綠色碎花配線色鋁線圖案外框。

先去馬灣，陽光非常好，開始影相比起上次，我自覺經比上次好，但係相對大Sam要求，自然又係不停叫我笑好啲，企直啲等等等等................。唔需要一個鐘，經有兩個水人，一個係大Sam嘅助手阿青，另一個就係男主角啦。早知男士化妝都唔要，因為佢不停出汗，好在我早有準備毛巾比佢，如果唔係多多紙巾都唔夠。Peggy 都唔好得好多，佢簡值以阿媽成日比條毛巾比阿Ben抹汗又要幫我keep住個粧，好彩我係一個唔多汗嘅人所以我同佢都冇咁慘。係每次Peggy整個粧時大Sam唔需要，佢話點整都係咁(因為太熱)，快啲比返日人佢影相。影完lower level 啲地方，我哋就行樓梯去觀景台，見鬼邊個叫我去馬灣，又唔話比我聽有樓梯咁大整古，上到去大家即刻坐下 take a break先，然後開始再影。影到咁上下，Ben 走咗去洗手間回來同佢地講洗手間有冷氣，大Sam同阿青即時話要去走個轉。影完上面落海灘，幾個男人去到海灘遠佢離見到幾個女子即時有嘢講，阿青打燈打到比我哋笑佢唔好掛住望女仔。影完馬灣海灘就影完馬灣影，但係經已四點，本原本要三點走遲咗成個鐘。四點幾去到石澳，我哋又再開始影相，影吓影吓就天黑，終於影完最後一張相經已七點幾，大家都餓，於是乎走咗去買串燒食，我就食唔落，加上我一身衣式唔想落車。返到九龍塘換完衫已九點先走。

8月2日今日約好咗去揀相，啲相較果唔錯，兩批相如我所料外境嗰輯效果好啲，因為啲表情相對第一輯自然啲。室內嗰輯睇見批相就知大Sam 都已經幫我哋out 咗唔少相，因為我上午嗰套係大露背，記得都有影個背面，但係就一張都唔見，最後只係揀咗30張相，其中4張係效果相，而所揀的相都是中午過後影的多。至於外影嗰批相對地我哋可揀嘅相就多好多，當我哋out咗啲表情唔得同唔自在嘅相重有50張有多，跟住再睇咗加咗效果嘅相再重組後都有48張相。因為想輯相靚啲所以空全部入晒兩本相部，其中一比重要係重新再排版，要等到11月至有版睇。晚上給了個電話阿Lo，叫佢幫我同Bosco講聲thankyou，因為佢找了大Sam幫我影相，同埋揀相當日啲sales幫我地改咗個Plan啲item等我地所要啲item平啲。

8日4日今日冇咁忙Lunch 去買了張Thankyou 咭寄給大Sam,多謝他的作品及幫我哋向Peggy 講聲多謝她的照顧，唔知佢地收唔收到。

我們要影結婚相(下)

<石澳石灘>

今日我同樣帶咗兩個花球一個係白色朱頂蘭配米柳方架連水燭葉長手把，另一個系粉紅邊玫瑰配、白色百子蓮及其它白色綠色碎花配線色鋁線圖案外框。

先去馬灣，陽光非常好，開始影相比起上次，我自覺經比上次好，但係相對大Sam要求，自然又係不停叫我笑好啲，企直啲等等等等................。唔需要一個鐘，經有兩個水人，一個係大Sam嘅助手阿青，另一個就係男主角啦。早知男士化妝都唔要，因為佢不停出汗，好在我早有準備毛巾比佢，如果唔係多多紙巾都唔夠。Peggy 都唔好得好多，佢簡值以阿媽成日比條毛巾比阿Ben抹汗又要幫我keep住個粧，好彩我係一個唔多汗嘅人所以我同佢都冇咁慘。係每次Peggy整個粧時大Sam唔需要，佢話點整都係咁(因為太熱)，快啲比返日人佢影相。影完lower level 啲地方，我哋就行樓梯去觀景台，見鬼邊個叫我去馬灣，又唔話比我聽有樓梯咁大整古，上到去大家即刻坐下 take a break先，然後開始再影。影到咁上下，Ben 走咗去洗手間回來同佢地講洗手間有冷氣，大Sam同阿青即時話要去走個轉。影完上面落海灘，幾個男人去到海灘遠佢離見到幾個女子即時有嘢講，阿青打燈打到比我哋笑佢唔好掛住望女仔。影完馬灣海灘就影完馬灣影，但係經已四點，本原本要三點走遲咗成個鐘。四點幾去到石澳，我哋又再開始影相，影吓影吓就天黑，終於影完最後一張相經已七點幾，大家都餓，於是乎走咗去買串燒食，我就食唔落，加上我一身衣式唔想落車。返到九龍塘換完衫已九點先走。
8月2日今日約好咗去揀相，啲相較果唔錯，兩批相如我所料外境嗰輯效果好啲，因為啲表情相對第一輯自然啲。室內嗰輯睇見批相就知大Sam 都已經幫我哋out 咗唔少相，因為我上午嗰套係大露背，記得都有影個背面，但係就一張都唔見，最後只係揀咗30張相，其中4張係效果相，而所揀的相都是中午過後影的多。至於外影嗰批相對地我哋可揀嘅相就多好多，當我哋out咗啲表情唔得同唔自在嘅相重有50張有多，跟住再睇咗加咗效果嘅相再重組後都有48張相。因為想輯相靚啲所以空全部入晒兩本相部，其中一比重要係重新再排版，要等到11月至有版睇。晚上給了個電話阿Lo，叫佢幫我同Bosco講聲thankyou，因為佢找了大Sam幫我影相，同埋揀相當日啲sales幫我地改咗個Plan啲item等我地所要啲item平啲。

8日4日今日冇咁忙Lunch 去買了張Thankyou 咭寄給大Sam,多謝他的作品及幫我哋向Peggy 講聲多謝她的照顧，唔知佢地收唔收到。

2008年8月6日星期三

我們要影結婚相(上)

由年頭决定明年初要結婚至今，只係農曆年期間訂了酒席，其他的事在一年後，感覺大把時間未有很積極安排各樣事的心機。

我一向都是一個隨意的人，特別是自己的事，可以的話通常都用太緊張，所以酒店送了影結婚相的優惠卷，我就决定用就算，而事前並沒有做任何比較。到了去間門市睇下喲 plan時，本來都冇想過要點，點知兩個人下講下，就買咗一個室內及一個外境攝影plan，重要系中價同貴價各一，事後想來想去又晤記得點解要這種安排。但世事往往非自己能預計，訂事結婚相啲嘢，同阿Lo講開，佢就話比我聽佢有朋友嘅屋企人在這間婚紗攝影公司做，話幫我問吓點樣安排最好，結果比來諗住叫佢影，點知我影相室內那天公司安排他去婚紗展工作，我影外境佢放假，不過佢話叫咗個好資深嘅同事同我哋影。

係影相前一星期我地去了試衫，本來我們每個plan各有兩套衫，男裝好簡單兩黑加一白一灰色就ok，女裝就可以揀婚紗同晚裝，但點我都接受唔到晚裝的顏色，所以最終選了四件晤同style 嘅婚紗。揀衫嗰日個sales 比了數件好修身同好多花款的設計比我試，結果當然係唔多得，因為我比較喜歡簡單的設計，同埋太修身too ladys唔係我的style。

早影相的一天我已製作了兩個唔同style嘅花球，一個係水芋花束另一個係拖尾的百合加玫瑰，不過共通點係都係白色，但係真係大忙忘記了幫我的花球影相，下面張相系其中一個近似的花束。

近似款式的水芋花束

終於到了影相的星期天，一早9:15去到九龍塘，化裝換衫，個stylist叫Peggy，好有心機過程中問我有冇特別喜好，但對於我這種人一向相信人已話好唔等於較果好嘅人，當然只係叫佢唔好太誇張，其他佢可以任話事，講吓講吓，Peggy又問我點解唔話比佢聽我識佢地喲同事，我同佢講，我自己份工都係做service喲客，開口埋口話識邊過好唔無禮，有時重會影响埋你個朋友，所以咪唔講，此外，佢重係我朋友的朋友，更加無需要。經過個多小時，第一個做型就完成，結果我都覺得唔錯。

開始影相，個攝影師叫大Sam，佢係一個好有趣的人，外型十足十一個藝術家(同我個細細妹一種咁嘅style)。佢叫我哋笑影幾張試吓較果，結果佢發現今天應該係佢的不吉日，因為我這個女主角最怕對住個鏡頭，叫我笑得自然喲，我自己都唔可以控制。影了後多張宮廷裝修嘅場景，大Sam叫我做啲post都ok，但係佢就要不停提住我笑嘅方式。哈哈，佢今天應該有排叫。約一點咗右阿Lo 帶lunch來看我，當然想睇下我影相，但係即時比大Sam叫佢上樓上等，等了小段時間，我們影到地下上一樓條樓梯，我個妹同阿Lo就系樓上看，當然有聲啦，大Sam 就話係唔係樓上有污漕嘢，即時聽到有女同事回應佢痴線。影完係樓梯我哋就開始影其他現代場影，終於影到差唔多三點，我開始投訴我耍take a break 同食lunch，佢先至放我哋去食lunch，順便換做型同第二套衫。

換衫後開始影園景，好彩天氣正常，上午我影室內時重落雨，Peggy同我講如果今天影唔到園景就要改期再影，好彩唔需要。下半場開始了，大Sam每次開口就問我驚唔驚，就時我就應佢你驚多啲，因為啲相唔靚咪唔要，到後期我就問佢有冇第二句，悶唔悶。講吓講吓佢知道我在下一個星期一重有一輯外境要影，佢就話佢好彩那天要放假一定唔會係佢影，終於在你一句我一句之下影完第一輯相，走時己是晚上八點。

2008年6月5日星期四

我要賣花球

一向以來我都愛四出去尋寶買嘢，做小手作來減厭及訓練自已的耐性，但是近來已開始走火入魔越整越多，其中一樣係花球，以前鐘意整鮮花但發覺都幾浪費，因唔係個個月都會幫人做花球，於是呢期轉咗用絲花。

近期如果放工可以準時就會走去的花虛啦行吓，比我預到合眼緣的絲花，就會手多多買咗多少咁，下場咪整咗好多個絲花花球囉，由於家中地方有限，最近冇辨法都要同佢地找緊新主人，如果唔係我就唔可以繼續四出去尋寶，這對我來講簡值係慘........

講返整花球，要整得靚無論絲花定鮮花心機一啲都唔小，早前有人留言問我點整絲花花球我都有詳細咁話比佢聽，至於佢整唔整到我就冇問，希望佢得啦。整鮮花花球要快手同小心，如果唔係啲花會殘同易拆斷，同耍考慮養水問題，款式限制比較多，絲花最大好處係點玩都變樣，你可以慢慢組合成你想要嘅型態，非常好玩。

絲花花球最簡單的造花束款，但我這種走火入魔嘅人點肯整花束款咁簡，結果花束款都耍加了很多要再上鐵絲的花材，等個花球更豐富，但花束位又唔會柱咁粗，視覺上精緻啲。

講返其他款式，全部買返嚟啲絲花都要分體，花還花，葉還葉，啲枝幹全部唔要(留翻黎整玩具比我兩隻寶具貓玩，想學整貓玩具請看寶貝仔的新玩具)，然後每朶花及每片葉都要穿上鐵絲為支，好花時間，我都系一路追劇一路穿 (記住要靚一定唔可以懶，因為上咗鐵絲為支啲位會放得好啲同容易啲)，然後再組合成我想要款式，如果唔係為興趣，我都未必有咁嘅耐性，所要賣都有啲唔想，不過唔賣就真系唔可以再整下去。

P.S. 各位好友當然有繼續會做鮮花花球，要幫手都可以找我。