Day 17(23/03/2012)
今天要放胚胎，好以平常一樣9點多起來食早餐，然後再寫了一會IVF的日記同做了2個襟花，等老公放工回來一齊去食午餐。
老公太心急話要提早出門話作怕過海塞車同冇位泊車，於是2點半唔到就出門，結果當然系早到，3點就到跑馬地，重要街到有2小時停車錶位，不用泊養和車場咁貴。無事做，在車上坐了一會，去了最近的百佳超市走過轉，買了麥片、黑朱古力同麥提沙，差不多够4點就上養和25樓的日間病房辦入院手續，要我留VV，點知一放控制唔到就放晒，又要重新飲過水，好在重有一小時才開始放胎。姑娘安排了床位，好好彩又系單邊有窗的，不過今次是看樓景。時間不多，又要開始飲水，結果半小時內食咗成1000ml，開始急VV，到了差不多5點，姑娘要我睡在床上連人帶床落6樓的手術室真是有點不習慣。
入到手術室自己上床預備放胚胎時已很急VV，點知周醫生在另一有術室未完，比原定5點等咗20多分鐘急到我死，一路急一路後悔飲得太多。當周醫生入到來知我好急，佢好快手開始，先照起聲波，肚皮一淥，急到痛，周醫生話情况好好了宮好直，叫我頂多一會，一放完就幫我放VV，冇辦法唯為死頂。
在放胚胎時周醫生話胚胎質數唔錯，會全部3個放晒，放之時重叫我睇電視，白色那些就是。好快就放完，之後放咗VV即時好好多。
做完之後姑娘就同我解釋我的胚胎情况，話4粒卵子3粒成熟同有分裂，有1粒唔得要放棄。3粒有分裂的Day 2胚胎情况其中2個分裂為4 cell，但grade 是2-，另一粒分裂為2 cell，但grade 是2。姑娘說養和好小有grade 1的胚胎，所以grade 2也不錯，另外我4個有3個成胚胎也很好，不用介意，只要胚胎放回子宮繼續生長和著床就得grade不是問題，另外再提我唔好食木瓜、苦瓜、青瓜、香蕉同寒的食物。她又說周醫生好彩數成功率也幾好，希望好以她所講，今次一次過就得。
晚上回到家中，我繼續做女皇，老公做家務。休息埋2天，星期一又回復正常生活 BBs 加油呀，等著你們。
Day 18(24/03/2012)
放胎後的第1天，打了電話返公司，放埋今天假，星期一才復工。繼續寫下我的IVF日記，若過今次成功，就留返比BBs將來做記念，唔得就留來做賽後檢討。
今天沒有甚麼特別返應，多天沒有便便，今天順利排出，可是連藥也一掽推出，唯有補塞一粒。
Day 19(25/0/2012)
放胎後的第2天，今天要如常活動，因為上個月已報了名今天要去赤柱花藝堂。老公為了我不用轉車，於是一早起來和我吃早餐再車我去上堂，由於順路就順便車埋 Yanny同Liza。每次上堂食完午餐我們一班姊妹一定往赤柱大街走走散步加買嘢，今天我唯有乖乖地唔出去，因為一來一回有啲遠。等佢地返來Yanny買了2件BB衫同被仔比佢個囝囝，啲衫好靚又平，連我都好想買。四點多老師教完，又系下午茶同實習的時間，但系坐了一天有啲累，所以食完下午茶就拾車回家，沒有做實習課，晚上就同奶奶一家食飯。
今天開始飲返紅棗水，只系由抽卵前的紅棗/黨參/杞子水改為淨紅棗，因為怕太重料連埋阿士匹靈使血氣過勁。今天沒有什麼特別感覺，只是有些輕微的頭暈和肚脹，唔知肚脹是不是今天又沒有便便做成。
Day 20 (26/03/2012)
放胎後的第3天，今天要復工了，連續放了五天假真是不想返工，但無奈不能請太多假，所以唯有乖乖地返工。午餐去了我愛吃的勝利小厨，吃了貢丸扎肉湯米，但最愛的酸辣醬也不能落白蘿白又沒有吃。
下午2點多去了周醫生那裡打安胎針，打完針後姑娘說周醫生星期四想幫我檢查一下是否正常，要早上回去因為周醫生下午不在診所。打完針回到公司繼續工作，因為工作是文職，所以也不太累，但今天覺得較易累，做一會文件已不能習中情神，好在今天的工作不太多。當不想做正經嘢時就有多小病態的上綱看關於著床的資料，真系要放鬆啲先得。今天晚上回媽媽家食飯，飲了兩碗花膠場，回到家中終於有便便，個肚舒服一些。
Day 21(27/03/2012)
放胎後的第4天，今天早上連續開兩個會，坐了半朝，但有些睏。午餐吃了肉絲炒麵真好吃，因為多天沒天吃炒的麵食。晚上回奶奶家吃，點知她今晚煮青瓜同魚趐瓜紅蘿白湯，所以唯有飲小些湯同冇食青瓜，好在重有草菰先手小小蔬菜類食。回家今晚再有便便，雖然不大順，但好過沒有，但糸個肚就好脤，頂住頂住，於是10半就上床，11點多就睡了。希望BBs在宮裡住得舒服，長住多9個多月吧。
Day 22(28/03/2012)
放胎後的第5天，今天工作比較清閒，再加上上午個肚有小許痛的感覺所以成朝乜心機做嘢，食完午餐後再沒有痛的感覺，但非常睏，好想訓教。晚上又回到媽媽家中飯，今晚飲的是冬蟲夏草湯。回到家中仍是覺得很累，所以10半就上床，11點多就睡了，但連續多晚也是每幾小時就會醒一醒，睡得不大好，唔知BBs點呢？
Day 23(29/03/2012)
放胎後的第6天，今天10:30又要開例會，但今天早上一定要見周醫生同去抽血，於是先返公司同上司講聲要去覆診，開會可能遲一些才到。
9:30離開公司先去抽血，去到等了一會就抽了。然後就去了周醫生診所，點知周醫生末返到，我問姑娘可以打針先嗎，然後明天才見醫生，點知姑娘話唔得，因為未見醫生唔打得針，我估佢地怕我有積水，好在周醫生10:30返到，姑娘安排我即見周醫生照肚。周醫生問我有沒有不適，我話除了有小許肚脤其他都冇乜特別，佢跟就幫我照，照完沒有問題姑娘就好快手幫我打針，返到公司部系11:00唔算大遲。
今天在診所又比我遇見朋友Chirs，佢剛開始睇周醫生，今天要去照輸卵管問我痛唔痛，我同佢講點都痛唔過照乳房啦。
Day 24-26(30/03-01/04-2012)
返埋星期五又可以放週未假，總括來說這三天沒有什麼特別感受，只系好間唔中有小許痛，除了星期天早上吃早餐後忽然間勁肚痛，過了一會就沒有事，想一想可能是那杯鮮橙汁引起，因為我直系好耐好耐冇飲過凍飲。跟住去了屈臣士買東面，但順手又買咗驗孕棒，睇下我可唔可以等到到期日先驗。
星期天下午同埋奶奶佢地去了吃泰菜，有人叫了青木瓜沙律，見到真系好想吃，晚上重有打邊爐，又有好好味的蘿白，有得睇冇得食。
雖然叫自已唔好緊張，但繼續有病態式上綱，不停的看看成功徵兆，睇了咁多天都系冇結論。BBs 你地住得好嗎？希望你地可以住下去。
Day 27 (2/04 /2012)
星期一早上都忍得手冇驗，但返到公司繼續心思思，又繼續有病態式上綱睇資料，又過一天。
Day 28 (3/04/2012)
昨晚睡不好，腰酸背疼，間唔中有些痛好似作M，終於今朝超身忍唔住，見今日是放胎後的11天即本試下驗，好過自己心掛掛。最初睇棒棒，第二條線影都唔見心都實晒，過了一會唔心息再睇比我到以有還無的線影，個心都定返些，因為上次我都試個同樣情况以為冇，點知原來糸有，希望條線一天比一天深，唔好系針影響而有的。BBs 加油，你要住下去！
Day 31 (6/04/2012)
正式開獎日，其實之前驗過兩次都有二條線，需然唔系好深色，今天早上起來照原定計畫再驗，結果糸有，但都未糸好深色，希望BBs加油快高長大。之後去了爸爸到掃墓，點知天雨路滑，下樓梯時滑了一下，好在扶得實扶手PP落地，返到佢屋發覺PP ”於”了。
Day 35(10/4/2012)
今天末夠10點就接到了姑媛娘Coral的電話問我成績如何，我話比佢知系有，咁佢就話今天要回去見周醫生，於是就約咗12點回去，點知假期後都系人多，等咗成45分鍾，見了周醫生佢同我講，今次雖然只抽了4粒卵，數量是小，但成胚胎都有3個而且平均質素都好好，所以應該成功不過她都系要我休息多啲，唔好食寒嘢同做粗重嘢，有需要佢可以幫我寫假紙休息，還說現在才是開始重有好多關要過，今天要抽血驗，間兩日再抽，看看hcg的上升數據是否理，同埋攞藥繼續塞同食。姑娘比藥我時話唔約預計約兩星期後的檢查時間住，費事周醫生見到兩份報告之後可能想早些見我，都系周醫生睇完報告再通知我時間，到時就可以同我的寶貝見第一次面，唔知會糸BB定系BBs呢?
其間又比我預見Chris打針，佢開始了第一次的IUI。
到這裡應該是我IVF手記的完結，明天開始决定開始我的懷孕誌，以記下我的寶貝生長歷程。
