8到10週懷孕手記

 

19/10/2012(8W3D)

原本今天約了做檢查，但因為工作會議一個接一個結果太遲，姑娘很好幫我改了星期六的一早。

20/10/2012(8W4D)

今天原定是約了花會沒姊妹一齊食早餐，然後去上堂，但現在變成同老公一齊去同BB見下面才去上堂。

9點到了診所，坐下不久姑娘提我驗尿，我就提返佢我要照肚，跟住大家就笑，因為冇乜孕婦咁細週數要照肚。今天周醫生遲了一些才回來，好在姑娘知我要去上堂，排第三個就到我睇。入到房準照BB，老公仍然系那句，佢好驚，我就唔知系真系咁冷靜，定系應命冇乜特別擔心。到周醫生入房一照就見到BB重比埋心跳我地聽，醫生話BB好好今個星期佢又大個咗，CRL有2.13cm，已見到個身型。照完之後又是談話的時間，周醫生話要約OSCAR檢查，問我約咗未。我這個冇乜信心的媽媽當然未約，佢叫我好快些約，政府醫院會有期。另外又進步了今日開始早晚塞藥都不用，只需要繼續每天食葉酸，而且可以兩星期後才回來檢查，那看起來我今次應可過關吧。

25/10/2012(9W2D)

今天下午請了假，去了威爾斯產科排期，食完午餐去到都二點幾。找產科要行到最入，跟進填埋資料交比證記處排期，一等就差不多半小時，終於拿到兩個期，第一個是OSCRA日子是11同15日，那時是12W2D，另一個是第一次產檢是明年的2月27日，至於日常檢查就要我另排健康院跟進。

3/11/2012(10W4D)

又到檢查的日子，一早起來同老公吃過早餐又到周醫生診所，今日遲了一些到，但幸運地病人不多不用等很久就到我，入到房準照BB，老公仍然系那句，佢好驚，到周醫生入房照BB同聽埋心跳，醫生話BB好好又大個咗，CRL有4.28cm，Size唔錯，情况理想。照完之後又是談話的時間，周醫生話BB生長情况正常，另外又問幾時是檢查OSCAR日子，我話約咗11月15日，她說如果月中做OSCAR，那就月底才回來做檢查，另外要繼續每天食葉酸。

今日見完醫生個心情又定了些，需然一直也本着應命的心態來幫自已放鬆多，但今終於都行到10W多，心理上已向好的方向去想，期望BB一天一天健康長大。