菲菲長大了

由我第一天看到這個小家伙至今不經不覺已7個多月了，最初看到她只是一個小不點，一身白毛又染灰，再加上身上傷痕，經過我們的努力，今日已變了人見人愛的小公主菲菲。
菲菲已有10個月大了，原本我想安排她做絕育的醫生不幸在幾個月前過身，經研究後，發覺屋企附近還有一間不錯獸醫，於是我們安排她在1月6日在大圍的珍禽異獸寵物醫院進行絕育手術，那天早上9:00由肥仔帶她去醫院，見完醫生就留下她做手術，肥仔話她見醫生時非常合作，到下午2:00我收到電話告知手術已順利完成，按照原定時間六點至六點半就可以接她走。

肥仔比我重緊張，佢6點正到返屋企取車去接女，佢比我早，我去到醫院佢已經見完醫生。醫生話菲菲情况好好，好乖冇攪個傷口，重食咗濕粮(開心死個女，因為她是名符其實的為食貓) ，不過菲菲重系有輕微貓瘟，叫我們唔可以再養baby Cat，因為家中的大貓不會愛感染，但baby Cat 就唔得。這個問題我都知，由决定要她已知她有病，她回家的頭幾個月已常常去見醫生，睇醫生睇到醫生話她食得玩得便便正常唔好就睇住，小心留意她的情况有問題就睇過，等佢大一啲自已會好，點知今次幾個月後見醫生佢啲病重係未清得晒，不個醫生了解過她曾食過的多種藥物，又已經打齊針都冇再要她食藥。

接了她回到家後，她精神過精神完全冇迷踪步，見她咁就放心啦。